அடுத்த பிரதமர் நான் தான்: ராகுல் காந்தி
இந்தியாவின் அடுத்த பிரதமராக காங்கிரஸ் தலைவர் ராகுல்காந்தி வருவதற்கு அதிக வாய்ப்பு இருப்பதாக கருத்துக்கணிப்புகளும், ஊடகங்களும் கூறி வரும் நிலையில் அவரே ஒரு பேட்டியில் தான் அடுத்த பிரதமராக வருவேன் என்று கூறியுள்ளார்.
கர்நாடகா மாநில சட்டசபைத் தேர்தல் பிரசாரத்தில் ஈடுபட்டு வரும், காங்., தலைவர், ராகுல், பெங்களூரில் நேற்று நடந்த ஒரு கூட்டத்தில் கூறியதாவது: வரும், 2019 லோக்சபா தேர்தலில், காங்., முழு மெஜாரிட்டியுடன் ஆட்சியை பிடித்தால், பிரதமர் பதவியை ஏற்கத் தயாராக உள்ளேன். அடுத்த லோக்சபா தேர்தலுக்கு பின், நரேந்திர மோடி, பிரதமர் பதவியில் அமர மாட்டார் என்பதில், நம்பிக்கையாக உள்ளேன்.
பிற கட்சிகளுடன், காங்கிரஸ் கட்சி கூட்டணி அமைத்து செயல்பட்டால், பொதுத்தேர்தலில், பாஜக வெற்றி பெறும் வாய்ப்பு இல்லை. எதிர்க்கட்சிகளின் ஒற்றுமை, பா.ஜ.,வை மீண்டும் ஆட்சி அமைக்க விடாது. சத்தீஸ்கர், ராஜஸ்தான் மாநிலங்களில் நடிக்கும் சட்டசபைத் தேர்தல்களில், காங்கிரஸ் கட்சி வெற்றி பெற்று ஆட்சியை பிடிக்கும். இவ்வாறு ராகுல்காந்தி கூறினார்.
