சினிமாவில் நடிக்கவில்லை. வதந்திக்கு முற்றுப்புள்ளி வைத்த பிரபல நடிகரின் மகள்
பிரபல நடிகர் சத்யராஜின் மகன் ஏற்கனவே கோலிவுட் திரையுலகில் நடிகராக இருக்கும் நிலையில் அவருடைய மகள் திவ்யாவும் சினிமாவில் நடிக்கவிருப்பதாக இன்று காலை முதல் சமூக வலைத்தளங்களில் வதந்திகள் பரவி வருகிறது
இந்த நிலையில் தனக்கு சினிமாவில் நடிக்கும் விருப்பம் இல்லை என்றும், இந்த தகவல் முழுக்க முழுக்க வதந்தி என்றும் திவ்யா சத்யராஜ் விளக்கமளித்துள்ளார். இதுகுறித்து அவர் மேலும் கூறியதாவது:
நான் சினிமாவில் நடிக்கவுள்ளதாக பரவி வரும் தகவலில் உண்மை ஏதும் இல்லை. நான், சினிமாவில் நடிக்க விரும்பவும் இல்லை. கடந்த 7 ஆண்டுகளாக சென்னையில் உள்ள இரு மருத்துவமனைகளில் ஊட்டச்சத்து மருத்துவராக நான் பணியாற்றி வருகிறேன். மேலும் ஊட்டச்சத்து குறித்த பிஎச்.டி உயர் படிப்பிலும் கவனம் செலுத்தியிருக்கிறேன்.
சினிமா மீது எனக்கு அதீத மரியாதை உண்டு. அடிக்கடி படங்கள் பார்த்து ரசிப்பேனே தவிர, படங்களில் நடிக்க வேண்டும் என்ற எண்ணம் இல்லை. ஊட்டச்சத்து சம்பந்தப்பட்ட ஒரே ஒரு ஆவணப்படத்தில் மட்டுமே நடித்திருக்கிறேன். ஆனால் அது திரைப்படம் இல்லை’ இவ்வாறு குறிப்பிட்டிருக்கிறார். #
