ஆர்.கே.நகர் மக்கள் என்னை ஜெயலலிதாவாகவே பார்க்கின்றனர். தீபா
மறைந்த முன்னாள் முதல்வர் ஜெயலலிதாவின் தொகுதியான ஆர்.கே.நகர் தொகுதியில் வரும் ஏப்ரல் 12ஆம் தேதி இடைத்தேர்தல் நடைபெறவுள்ளது. இந்த தேர்தலில் தினகரன் அணி, ஓபிஎஸ் அணி, தீபா அணி, திமுக, உள்பட பல்முனை போட்டி உள்ளது. அனைத்து கட்சி வேட்பாளர்களும் தீவிர பிரச்சாரத்தில் ஈடுபட்டு கொண்டிருக்கும் நிலையில் தீபா ஆர்.கே.நகர் தொகுதி மக்களை நேரில் சந்தித்து வாக்கு சேகரித்து வருகிறார்.
அவர் வாக்காளர்களிடையே பேசியதாவது: ஆர்.கே.நகரில் வெற்றி பெறுவதற்கு பிரகாசமான வாய்ப்புகள் எனக்கு இருக்கின்றது. என் உருவத்தில் என் அத்தை ஜெயலலிதாவை தான் அனைவரும் காண்கிறார்கள். எங்கள் எதிர்ப்பாளர்கள் அனைவரும் ஊழல் கரை படிந்தவர்கள் என்பதால், அவர்கள் மீது மக்கள் நம்பிக்கை இழந்து விட்டார்கள். ஓ.பி.எஸ் சசிகலா அணியில் நீண்ட காலம் இருந்துள்ளார், அவரை பற்றி மக்கள் நன்கு அறிவார்கள் என்பதால், அவருடன் நான் ஏன் கூட்டணி அமைக்க வேண்டும்’ என்று கூறினார்.
ஏற்கனவே தன்னை எதிர்த்து நிற்பவர்கள் அனைவரும் டெபாசிட் இழப்பார்கள் என்று தீபா கூறியுள்ளார் என்பது குறிப்பிடத்தக்கது
