நான் எழுதி முடிச்சிட்டேன். விஜய்தான் இன்னும் படிக்கலை
பிரபல இயக்குனர் சுசீந்திரன் இயக்கத்தில் உருவாகி வரும் ‘மாவீரன் கிட்டு’ திரைப்படத்தின் படப்பிடிப்பு முடிவடைந்து தற்போது போஸ்ட் புரடொக்ஷன்ஸ் பணிகள் நடைபெற்று வருகிறது. இந்த படம் வரும் டிசம்பரில் வெளியாகவுள்ள நிலையில் இயக்குனர் சுசீந்திரன் சமீபத்தில் விஜய் குறித்து சமீபத்திய பேட்டியில் கூறியுள்ளார்.
‘பாண்டிய நாடு’ படத்தை இயக்கி அந்த படம் பெரும் வெற்றியை பெற்றவுடன் விஜய்யை தான் சந்தித்ததாகவும், தனக்காக ஒரு கதை தயார் செய்ய சொல்லி தன்னிடம் கேட்டுக்கொண்டதாகவும் கூறிய சுசீந்திரன், விஜய்க்காக ஒரு பக்கா கதையை தயார் செய்து வைத்துள்ளதாகவும், ஆனால் விஜய்தான் இன்னும் அந்த கதையை படிக்கவில்லை என்றும் கூறியுள்ளார்.
விரைவில் விஜய் இந்த கதையை படித்து ஓகே சொல்லிவிட்டால் விஜய்-சுசீந்திரன் இணையும் படத்தின் அறிவிப்பு விரைவில் வெளிவரலாம் என்று கூறப்படுகிறது.
