திருச்சி சிவா கன்னத்தில் அறைந்த அதிமுக பெண் எம்.பி? பரபரப்பு தகவல்
நாடாளுமன்ற கூட்டத்தில் கலந்து கொண்ட பின்னர் தமிழகம் திரும்புவதற்காக டெல்லி விமான நிலையத்திற்கு வந்த திமுக எம்.பி, திருச்சி சிவாவிற்கும், அதிமுக பெண் எம்பி சசிகலாபுஷ்பாவுக்கு நடந்த சண்டையில் திருச்சி சிவாவின் கன்னத்தில் சசிகலாபுஷ்பா அறைந்துவிட்டதாக கூறப்படுகிறது.
இதுகுறித்து சசிகலா எம்பி செய்தியாளர்களிடம் கூறியபோது, “”விமான நிலையத்தில் நான் வந்த போது, அங்குள்ள காவலர்களிடம் அம்மாவையும் (ஜெயலலிதா) தமிழக அரசையும் சிவா கிண்டலடித்துக் கொண்டு இருந்தார். இதனால் எனக்கு ஆத்திரம் ஏற்பட்டது. அவரது கன்னத்தில் ஓங்கி நான்கு முறை அறைந்தேன். இதற்குள் அங்குள்ளவர்கள் இருவரையும் விலக்கி விட்டனர். இந்த சம்பவத்துக்குப்பிறகு டெல்லியில் உள்ள என்னுடைய வீட்டை அடித்து நொறுக்கியுள்ளதாக எனக்கு தகவல் வந்தது. இதனால் பயணத்தை ரத்து செய்து விட்டு அவர்களுக்கு பதிலடி கொடுக்க உள்ளேன்’ என்று கூறினார்.
இந்த சம்பவம் குறித்து திருச்சி சிவா கூறியபோது, “செக்கிங் பாயிண்ட்டில் இருவருக்கும் இடையே தகராறு ஏற்பட்டது. இந்த விஷயத்தை பெரிதுப்படுத்த வேண்டாம்’ என்று மட்டும் கூறிவிட்டு விறுவிறுவென சென்றுவிட்டார்.
டெல்லி விமான நிலையத்தில் நடைபெற்ற இந்த சம்பவம் பொதுமக்களிடையே பெரும் அதிர்ச்சியை ஏற்படுத்தியுள்ளது.
