ஏ.ஆர்.ரஹ்மான் இசையமைப்பில் ‘ஐ’ படத்தின் பாடல்கள் இன்று அதிகாலை ஆப்பிள் ஐடியூனில் வெளியானது. இன்று காலை முதல் ஆயிரக்கணக்கானொர் ஐ படத்தின் பாடல்களை டவுன்லோடு செய்து விமர்சனங்களை சமூக வலைத்தளங்களில் பதிவு செய்து வருகின்றனர்.
பெரும்பாலானோர் பாடல்கள் மிகவும் பிரமாதமாக அமைந்துள்ளதாக கருத்து தெரிவித்துள்ளனர். ஒருசிலர் மொக்கை என்றும் சிலர் ஏ.ஆர்.ரஹ்மான் பாடல்கள் கேட்க கேட்கத்தான் ஹிட் ஆகும் என்றும் விமர்சனம் செய்து வருகின்றனர்.
ஐ படத்தில் ஏழு பாடல்கள் இருக்கின்றது. இவற்றில் நான்கு பாடல்களை கபிலனும், மூன்று பாடல்களை மதன் கார்க்கியும் எழுதியுள்ளனர். ஒரு பாடலை அனிருத் பாடியுள்ளார் என்பது குறிப்பிடத்தக்கது.
‘என்னோடு நீ இருந்தால்’ என்ற பாடலை சித் ஸ்ரீராம், சுனிதா சாரதி ஆகியோர் பாடியுள்ளனர். மேலும் ‘பூக்களே சற்று ஓய்வெடுங்கள் என்ற பாடலை ஹரிச்சந்திரன் மற்றும் ஸ்ரேயா கோஷல் ஆகிய இருவரும் பாடியுள்ளனர். இந்த பாடல் மிக அபாரமாக இருப்பதாக கருத்துக்கள் வெளிவந்து கொண்டிருக்கின்றது.
மொத்தத்தில் ஐ படத்தின் பாடல்கள் மூலம் ஏ.ஆர்.ரஹ்மான் மீண்டும் தான் ஒரு ஜீனியஸ் என்பதை நிரூபித்துவிட்டார்.
