விஜய் பாடிய ‘செல்லாக்குட்டி’ பாடல் இன்று ஒலிப்பதிவு. ஜி.வி.பிரகாஷ் தகவல்
[carousel ids=”74511,74512,74513″]
இளையதளபதி விஜய் தான் நடித்து வரும் அனைத்து படங்களிலும் ஒரே ஒரு பாடலையாவது பாடும் வழக்கத்தை கடந்த சில ஆண்டுகளாக செய்து வருகிறார். இந்நிலையில் தற்போது விஜய் நடித்து வரும் ‘விஜய் 59’ படத்தில் இரண்டு பாடல்களை அவர் பாடவுள்ளதாக கடந்த சில நாட்களுக்கு முன்னர் இந்த படத்தின் இசையமைப்பாளர் ஜி.வி.பிரகாஷ் தெரிவித்திருந்தார்.
இந்நிலையில் இவற்றின் முதல் பாடல் இன்று ஒலிப்பதிவு செய்யப்பட்டதாகவும், ‘செல்லாக்குட்டி’ என்று ஆரம்பிக்கும் ஒரு பாடலை இன்று விஜய் பாடியதாகவும் ஜி.வி.பிரகாஷ் தனது டுவிட்டரில் கூறியுள்ளார். இந்த பாடல் ஒரு டூயட் பாடல் என்றும் இந்த பாடலை இயக்குனர் அட்லி வித்தியாசமாக படமாக்க திட்டமிட்டுள்ளதாகவும் ஜி.வி.பிரகாஷ் தனது டுவிட்டரில் தெரிவித்துள்ளார்.
‘விஜய் 59’ படத்தின் படப்பிடிப்பை சமந்தா ஏற்கனவே முடித்துவிட்டதால், இந்த பாடல் விஜய்-எமிஜாக்சனுக்கு இடையேயான டூயட் பாடலாகத்தான் இருக்கும் என எதிர்பார்க்கப்படுகிறது. கலைப்புலி எஸ்.தாணு தயாரித்து வரும் இந்த படத்தின் டைட்டில் மற்றும் ஃபர்ஸ்ட் லுக் வரும் தீபாவளி தினத்தில் வெளியாகவுள்ளது.
