விஜய்யுடன் இணைகிறார் ரஞ்சித். சூர்யா படம் கேன்சலா?
சூப்பர் ஸ்டார் ரஜினிகாந்த் நடித்த ‘கபாலி’ படத்தின் வெற்றி அப்பட இயக்குனர் ரஞ்சித்தை உச்சத்திற்கு கொண்டு சென்றுவிட்டது. ஒரே வாரத்தில் சுமார் 400 கோடியை நெருங்கிவிட்ட இந்த படத்தின் வசூலை ஷங்கரின் ‘2.0’ படமே முறியடிக்குமா? என்பது சந்தேகமே.
இந்நிலையில் ரஞ்சித்தின் அடுத்த படத்தில் சூர்யா நடிப்பார் என்றும், சூர்யா இந்த படத்தில் குத்துச்சண்டை வீரராக நடிக்கவுள்ளதாகவும் கூறப்பட்டது. ஆனால் இந்த படம் இன்னும் உறுதி செய்யப்படவில்லை என்றும், தற்போது ரஞ்சித் விஜய் படத்திற்கான ஆரம்பகட்ட பணிகளை தொடங்கவுள்ளதாகவும் கூறப்படுகிறது.
சமீபத்தில் இளையதளபதி விஜய்யை நேரில் சந்தித்த ரஞ்சித், ஆக்சன் மற்றும் புரட்சி அடங்கிய கதை ஒன்றை கூறியதாகவும், இந்த கதை தனக்கு மிகச்சரியாக செட் ஆகும் என்பதால் உடனடியாக படப்பிடிப்புக்கு தேவையான பணிகளை தொடங்குமாறு ரஞ்சித்திடம் விஜய் கூறியதாகவும் செய்திகள் பரவி வருகிறது. இந்த படத்தை தாணு தயாரிக்கவுள்ளதாகவும், ரஞ்சித்தின் ஆஸ்தான இசையமைப்பாளர் சந்தோஷ் நாராயணன் இசையமைக்கவுள்ளதாகவும் கூறப்படுகிறது.
