ஆசியா கோப்பை கிரிக்கெட்: இந்தியாவை அடுத்து வங்கதேசமும் இறுதிப்போட்டிக்கு தகுதி
ஆசியா கோப்பை கிரிக்கெட் போட்டியில் ஏற்கனவே இந்திய அணி இறுதிப்போட்டிக்கு தகுதி பெற்றுள்ள நிலையில் நேற்று நடைபெற்ற பாகிஸ்தானுக்கு எதிரான போட்டியில் வெற்றி பெற்றதன் மூலம் வங்கதேசமும் இறுதிக்கு தகுதி பெற்றுள்ளது.
நேற்று நடைபெற்ற பாகிஸ்தான் – வங்கதேசம் நாடுகளுக்கு இடையிலான போட்டியில் டாஸ் வென்ற பாகிஸ்தான் முதலில் பேட்டிங் செய்தது. வங்கதேச பந்துவீச்சாளர்களின் அபாரமான பந்துவீச்சால் பாகிஸ்தான் நிர்ணயிக்கப்பட்ட 20 ஓவர்களில் 7 விக்கெட்டுக்கள் இழப்பிற்கு 129 ரன்கள் எடுத்தது.
130 ரன்கள் எடுத்தால் வெற்றி என்ற நிலையில் களத்தில் இறங்கிய வங்கதேச அணி ஆரம்பம் முதலே அதிரடியாக விளையாடி 19.1 ஓவரில் 5 விக்கெட்டுக்கள் மட்டுமே இழந்து 131 ரன்கள் எடுத்து வெற்றி பெற்றுள்ளது. இதன்மூலம் மூன்று வெற்றிகளை பெற்ற வங்கதேசம் இறுதிப்போட்டிக்கு தகுதி பெற்றது.
