4வது ஒருநாள் போட்டி. இந்திய பந்துவீச்சாளர்களை துவம்சம் செய்த ஆஸ்திரேலியா
ஆஸ்திரேலியா சுற்றுப்பயணம் செய்து வரும் இந்திய கிரிக்கெட் அணி முதல் மூன்று ஒருநாள் போட்டிகளிலும் தோல்வி அடைந்துள்ள நிலையில் இன்று நான்காவது ஒருநாள் கிரிக்கெட் போட்டியில் விளையாடி வருகிறது.
டாஸ் வென்ற ஆஸ்திரேலிய அணி முதலில் பேட்டிங்கை தேர்வு செய்தது. இந்திய பந்துவீச்சாளர்களை துவம்சம் செய்த ஆஸ்திரேலிய பேட்ஸ்மேன்கள் 50 ஓவர்களில் 8 விக்கெட்டுக்கள் இழப்பிற்கு 348 ரன்கள் குவித்துள்ளது. ஃபின்ஸ் 107 ரன்களும், வார்னர் 93 ரன்களும், ஸ்மித் 51 ரன்களும் குவித்தனர்.
349 என்ற இமாலய இலக்கை நோக்கி இந்திய அணி தற்போது பேட்டிங் செய்து வருகிறது. சற்றுமுன் வரை இந்திய அணி 15.2 ஓவர்களில் ஒரு விக்கெட் இழப்பிற்கு 119 ரன்கள் எடுத்துள்ளது. ரோஹித் சர்மா 41 ரன்களில் ஆட்டமிழந்தார்.
