இந்தியா-மேற்கிந்திய தீவுகள் டெஸ்ட் போட்டியின் அட்டவணை வெளியீடு
விராட்கோஹ்லி தலைமையில் இந்திய கிரிக்கெட் அணி மேற்கிந்திய தீவுகளுக்கு சென்று நான்கு டெஸ்ட் போட்டிகளில் விளையாடவுள்ளது. வரும் ஜூலை 6ம் தேதி மேற்கிந்திய தீவுகளின் செயின்ட் கிட்ஸ் செல்லும் இந்திய அணி, ஜூலை 9 – 10ம் தேதி நடைபெறும் இரண்டு நாள் பயிற்சி ஆட்டத்திலும், தொடர்ந்து ஜூலை 14- 16 நடைபெறும் 3 நாள் பயிற்சி ஆட்டத்திலும் விளையாடுகிறது.
டெஸ்ட் போட்டிகள் அட்டவணை இதோ:
முதல் டெஸ்ட் போட்டி ஆண்டிகுவாவில் ஜூலை 21ம் தேதி தொடங்கி 25ம் தேதி வரை நடைபெறுகிறது.
2வது டெஸ்ட் போட்டி ஜூலை 30 முதல் ஆகஸ்ட் 3 வரை ஜமைக்காவில் நடைபெறுகிறது.
3வது டெஸ்ட் போட்டி ஆகஸ்ட் 9 முதல் 13 வரை செயின்ட் லூசியாவில் நடைபெறுகிறது.
4வது மற்றும் கடைசி டெஸ்ட் போட்டி ட்ரினிடாட்டில் ஆகஸ்ட் 18 முதல் 22 வரை நடைபெறுகிறது.
