இலங்கைக்கு எதிரான 2வது டி-20 போட்டியில் இந்தியா அபார வெற்றி

தோனியின் சொந்த ஊரான ராஞ்சியில் நேற்று நடைபெற்ற இரண்டாவது டி-20 போட்டியில் முதலில் பேட்டிங் செய்த இந்திய அணி 20 ஓவர்களில் 6 விக்கெட்டுக்கள் இழப்பிற்கு 196 ரன்கள் குவித்தது. தவான் 51 ரன்களும், ரோஹித் சர்மா 36 ரன்களும், ரஹானே 21 ரன்களும், சுரேஷ் ரெய்னா 19 ரன்களும் எடுத்தனர்.

197 ரன்கள் எடுத்தால் வெற்றி என்ற இலக்கை நோக்கி விளையாடிய இலங்கை அணி 20 ஓவர்களில் 9 விக்கெட்டுக்களை இழந்து 127 ரன்கள் மட்டுமே எடுத்து 69 ரன்கள் வித்தியாசத்தில் தோல்வி அடைந்தது. தவான் ஆட்டநாயகனாக தேர்வு செய்யப்பட்டார். இரு அணிகளும் தலா ஒரு போட்டியில் வெற்றி பெற்றுள்ளதால் 1-1 என்ற கணக்கில் புள்ளிகள் சமமாக உள்ளது. இரு அணிகளுக்கும் இடையேயான 3வது மற்றும் இறுதி டி-20 போட்டி நாளை  விசாகப்பட்டிணத்தில் நடைபெறவுள்ளது.