மகளிர் சாம்பியன்ஷிப் கிரிக்கெட்: இந்தியா அபார வெற்றி
ஐ.சி.சி. மகளிர் சாம்பியன்ஷிப் கிரிக்கெட் போட்டி தொடர் தற்போது நடைபெற்று வருகிறது. இந்த தொடரின் முதல் போட்டி நேற்று இந்தியா மற்றும் நியூசிலாந்து அணிகளுக்கு இடையே பெங்களூரில் நடைபெற்றது.
இந்த போட்டியில் இந்திய மகளிர் கிரிக்கெட் அணி, நியூசிலாந்து மகளிர் கிரிக்கெட் அணியை 17 ரன்கள் வித்தியாசத்தில் தோற்கடித்தது.
டாஸ் வென்ற இந்திய அணி முதலில் பேட்டிங் செய்தது. நியூசிலாந்து வீராங்கனைகளின் அதிரடி பந்து வீச்சுக்கு தாக்கு பிடிக்க முடியாமல் இந்திய அணி 44.3 ஓவர்களி அனைத்து விக்கெட்டுக்களையும் இழந்து 142 ரன்கள் மட்டுமே எடுத்தது.
143 ரன்கள் எடுத்தால் வெற்றி என்ற நிலையில் நியூசிலாந்து களமிறங்கியது. இந்திய வீராங்கனைகளின் பந்து வீச்சு காரணமாக நியூசிலாந்து அணி 125 ரன்களுக்கு ஆட்டமிழந்து தோல்வி அடைந்தது.
