இந்தியாவுக்கு 3வது வெற்றி. சொந்த மண்ணில் தொடரை இழந்தது ஜிம்பாவே
ஜிம்பாவேயில் சுற்றுப்பயணம் செய்து வரும் இந்திய அணி முதல் இரண்டு போட்டிகளில் வெற்றி பெற்று ஏற்கனவே தொடரை வென்றுவிட்ட நிலையில் இன்று நடைபெற்ற 3வது ஒருநாள் போட்டியிலும் 10 விக்கெட்டுக்கள் வித்தியாசத்தில் வெற்றி பெற்றது.
டாஸ் வென்று முதலில் பேட்டிங் செய்த ஜிம்பாவே அணி 42.2 ஓவர்களில் 123 ரன்களுக்கு ஆட்டமிழந்தது. இந்த அணியின் 8 பேட்ஸ்மேன்கள் ஒற்றை இலக்க ரன்களில் ஆட்டமிழந்தனர்.
124 ரன்கள் எடுத்தால் வெற்றி என்ற எளிதான இலக்குடன் களமிறங்கிய இந்திய அணியின் தொடக்க ஆட்டக்காரர்கள் ராகுல் மற்றும் ஃபாசில் ஆகிய இருவருமே 126 ரன்கள் எடுத்து இந்திய அணியை வெற்றி பெற செய்தனர். ராகுல் ஆட்டநாயகனாகவும் தொடர் நாயகனாகவும் தேர்வு செய்யப்பட்டார்.
இந்நிலையில் இரு அணிகளுக்கு இடையேயான டி-20 போட்டி தொடர் வரும் 18ஆம் தேதி முதல் தொடங்குகிறது.
