அரபிக்கடலில் தத்தளிக்கும் 6 தமிழக மீனவர்கள்.
அரபிக்கடலில் எரிபொருள் தீர்ந்துபோன படகில் தத்தளித்து வரும் 6 மீனவர்களை காப்பாற்ற கடலோர கப்பல் படையினர் மீட்புக்குழு ஒன்றை அனுப்பியுள்ளதாக தகவல்கள் வெளிவந்துள்ளது.
குமரி மாவட்டத்தை சேர்ந்த ஜான் கென்னடி என்பவர் தனக்கு சொந்தமான மீன்பிடி படகு ஒன்றில் ஐந்து பேர்களுடன் இணைந்து கடந்த 2 நாட்களுக்கு முன் மீன் பிடிக்க சென்றார். மீன்பிடித்துவிட்டு திரும்பும்போது அவருடைய
படகில் எரிபொருள் இல்லாததால் நடுக்கடலில் நின்றுவிட்டதாகவும், இதன்பின்னர் தொலைபேசி மூலமாக அவர்கள் தெரிவித்த தகவலை இடைமறித்த கேட்ட அவ்வழியே சென்ற கப்பல் ஒன்றில் இருந்த ஊழியர்கள் சென்னை துறைமுகத்திற்கு தகவல் தந்ததாகவும், இதனை அடுத்து கடலோர காவல்படையினர் தத்தளிக்கும் மீனவர்களை மீட்க குழு
ஒன்றை அனுப்பியுள்ளதாகவும் தகவல்கள் வெளிவந்துள்ளது.
குமரி கடலில் இருந்து 72 நாட்டிக்கல் மைல் தொலைவில் சிக்கியுள்ள ஜான்கென்னடி, லோபஸ், உருமன், கிற்ஸ்டோபர், தாமஸ் மற்றும் ஆண்டனி ஆகியோர் இன்னும் சற்று நேரத்தில் கரை திரும்புவார்கள் என்று எதிர்பார்க்கப்படுகிறது.
