19 வயதுக்குட்பட்டோருக்கான ஆசியக்கோப்பை கிரிக்கெட் இறுதிப்போட்டி இந்திய, பாகிஸ்தான் அணிகளுக்கிடையே நேற்று நடந்தது. பரபரப்பாக இந்த போட்டியில் இந்திய அணி 40 ரன்கள் வித்தியாசத்தில் அதிரடியாக வெற்றி பெற்று சாம்பியன் பட்டத்தை வென்றது.
டாஸ் வென்று முதலில் பேட் செய்த இந்திய அணி நிர்ணயிக்கப்பட்ட 50 ஓவர்களில் 8 விக்கெட்டுக்களை இழந்து 314 ரன்கள் குவித்தது. இந்த போட்டியில் விஜஸ் ஜோல், மற்றும் சஞ்ஜூ சாம்சன் ஆகிய இருவரும் அபாரமாக விளையாடி சதம் அடித்தனர்.
பின்னர் 315 ரன்கள் எடுத்தால் வெற்றி என்ற கடின இலக்குடன் களமிறங்கிய பாகிஸ்தான் அணி 50 ஓவர்களில் 9 விக்கெட்டுக்களை இழந்து 274 ரன்கள் மட்டுமே எடுத்து 40 ரன்கள் வித்தியாசத்தில் தோல்வியை தழுவியது.
சாம்பியன் பட்டத்தை வென்ற 19வயதுக்குட்பட்ட இந்திய அணிக்கு இந்திய கிரிக்கெட் அணியின் கேப்டன் தோனி உள்பட பலர் வாழ்த்து தெரிவித்துள்ளனர்.
