இந்திய மகளிர் அணிக்கு உற்சாக வரவேற்பு
சமீபத்தில் நடந்து முடிந்த மகளிர் உலகக் கோப்பை கிரிக்கெட் தொடரின் இறுதிப்போட்டியில் 9 ரன்களில் கோப்பையை நழுவவிட்டாலும் ஒவ்வொரு இந்தியர்களின் மனதிலும் வீராங்கனைகள் இடம்பெற்றுவிட்டனர். இந்த நிலையில் நேற்றிரவு நாடு திரும்பிய மகளிர் அணிக்கு உற்சாக வரவேற்பு அளிக்கப்பட்டதுஜ்.
கோப்பையைக் கைப்பற்றாத போதும் தொடர் முழுவதும் இந்திய வீராங்கனைகள் மிகச்சிறப்பான ஆட்டத்தை வெளிப்படுத்தி அனைவரது கவனத்தையும் ஈர்த்துள்ளனர். அவர்களுக்கு நாடு திரும்பும் போது கோலாகல வரவேற்பு அளிப்பதாக விளையாட்டுத்துறை அமைச்சர் விஜய் கோயல் ஏற்கனவே தெரிவித்திருந்தார்.
இதனையடுத்து நேற்று மும்பை விமான நிலையத்தில் வந்திறங்கிய வீராங்கனைகளுக்கு மாலை, மரியாதை என கிரிக்கெட் ரசிகர்கள் வரவேற்பு செய்து அசத்திவிட்டனர். ரசிகர்களின் திடீர் அன்புமழையில் நனைந்த வீராங்கனைகளுக்கு கண்களின் ஆனந்தக்கண்ணீர் எட்டிப்பார்த்தது என்பது குறிப்பிடத்தக்கது.
