இந்தியாவின் முதல் 8K ரெசலூசன் திரைப்படத்தில் தமன்னா
‘பாகுபலி’, ‘பாகுபலி 2’ படங்களுக்கு பின்னர் தமன்னாவின் மார்க்கெட் கன்னாபின்னா என்று ஏறியிருக்கும் நிலையில் இந்தியாவில் முதல்முறையாக 8K ரெசலூசன் கேமிராவில் ஒரு திரைப்படம் தயாராகவுள்ளது. இந்த படத்தின் முக்கிய கேரக்டரில் தமன்னா நடிக்கவுள்ளார்.
உன்னை போல் ஒருவன்’, ‘பில்லா 2’ ஆகிய படங்களை இயக்கியவர் இயக்குனர் சக்ரி டோலட்டி. இவர் தற்போது நயன்தாரா நடித்து வரும் ‘கொலையுதிர்க்காலம்’ என்ற படத்தை இயக்கி வருகிறார். இந்த படத்தின் இந்தி ரீமேக்கையும் இவரே இயக்கவுள்ளார். இந்த படத்தில் நயன்தாரா கேரக்டரில் தமன்னா நடிக்கவுள்ளார். மேலும் இந்த படத்தில் பிரபுதேவா உள்பட பலர் நடிக்கவுள்ளனர்.
‘காமோஷி’ என்ற டைட்டில் வைக்கப்பட்டுள்ள இந்த படத்தின் படப்பிடிப்பு வரும் ஆகஸ்ட் முதல் தொடங்கவுள்ளதாம். இதற்காக 8K ரெசலூசன் கேமிரா வெளிநாட்டில் இருந்து வரவழைக்கப்பட்டுள்ளது.
இந்தியாவின் முதல் 8D ரெசலூசன் படத்தில் நடிப்பது குறித்து பிரபுதேவா தனது டுவிட்டரில் கூறியபோது, ‘இந்தியாவின் முதல் 8K தொழில்நுட்பத்தில் உருவாகும் படத்தில் நான் நடிக்கவுள்ளேன் என்பது எனக்கு பெருமையாக உள்ளது. இதற்கு இயக்குனர் சக்ரிடோலட்டி, தயாரிப்பாளர் வாஷூ பாக்னானி ஆகியோர்களுக்கு நன்றி தெரிவித்து கொள்கிறேன்’ என்று கூறியுள்ளார்.
