இந்திய ஸ்மார்ட் போன் தயாரிப்பு நிறுவனமான லாவா சத்தமில்லாமல் குறைந்த விலையில் இரண்டு ஸ்மார்ட் போன்களை அறிமுகம் செய்திருக் கிறது. ஐரிஸ் போன் வரிசையில் ஐரிஸ் 350 மற்றும் ஐரிஸ் 470 அறிமுகமாகி இருக்கின்றன. பிரபல ஏலத் தளமான ஈபே (EBay) இந்தியா தளம் மூலம் இவை விற்பனைக்கு வந்துள்ளன. 3ஜி வசதி கொண்ட இந்த போன்களின் விலை ரூ.2999 மற்றும் ரூ.4399 எனக் குறிப்பிடப்பட்டுள்ளது.
ஐரிஸ் 350 ஆண்ட்ராய்டு கிட்கேட் கொண்டது. இரட்டை சிம் வசதி இருக்கிறது. 512 எம்பி நினைவுத்திறன் கொண்டது. 32.5 ஜிபி வரை நீட்டிக்கலாம். வை-பை, புளூ டூத், மைக்ரோ யுஎஸ்பி வசதியும் இருக்கின்றன. ஐரிஸ் 470 ஆண்ட்ராய்டு ஜெல்லிபீன், இரண்டு காமிரா மற்றும் 4 ஜிபி ஸ்டோரேஜ் கொண்டது. பட்ஜெட் ஸ்மார்ட் போனில் மேலும் போட்டி தீவிரமாகி உள்ளது என்றுதான் சொல்ல வேண்டும்.
