மார்ச்-25ல் வெளியாகிறது கார்த்திக் சுப்புராஜின் ‘இறைவி
கார்த்திக் சுப்புராஜ் இயக்கிய பீட்சா, ஜிகர்தண்டா ஆகிய இரண்டு படங்கள் சூப்பர் ஹிட் ஆகியதை அடுத்து மூன்றாவது அவர் இயக்கியுள்ள ‘இறைவி’ படத்தின் படப்பிடிப்பு சமீபத்தில் முடிவடைந்து போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வரும் நிலையில் இந்த படத்தின் ரிலீஸ் தேதி குறித்த அறிவிப்பு தற்போது வெளிவந்துள்ளது.
விஜய்சேதுபதி, எஸ்.ஜே.சூர்யா, பாபிசிம்ஹா, அஞ்சலி, கமாலினி முகர்ஜி, கருணாகரன், ராதாரவி, வடிவுக்கரசி உள்பட பலர் நடித்துள்ள ‘இறைவி’ திரைப்படம் வரும் மார்ச் மாதம் 25 ஆம் தேதி ரிலீஸாகும் என அறிவிக்கபப்ட்டுள்ளது. மேலும் இம்மாத இறுதியில் இந்த படத்தின் ஆடியோ ரிலீஸாகும் என்றும், அடுத்த மாதம் முதல் புரமோஷன் தொடங்கப்படும் என்றும் படக்குழுவினர் தரப்பில் இருந்து செய்திகள் வெளியாகியுள்ளது.
சந்தோஷ் நாராயணன் இசையமைத்துள்ள இந்த படத்தை சி.வி.குமாரின் திருக்குமரன் எண்டர்டெயின்மெண்ட் நிறுவனம் தயாரித்துள்ளது. ஏற்கனவே இரண்டு வெற்றி படங்களை கொடுத்த இயக்குனர் கார்த்திக் சுப்புராஜுக்கு இந்த படம் ஹாட்ரிக் வெற்றிப்படமாக அமையும் என எதிர்பார்க்கப்படுகிறது.
