ஈரான் நகைக்கடையில் நூதன முறையில் நகைகளை திருடி மோசடி செய்த தம்பதிகளை போலீஸார் தேடி வருகின்றனர்.
ஈரான் நாட்டில் உள்ள ஷிராஜ் என்ற நகரில் உள்ள ஒரு பிரபல நகைக்கடையில் நகை வாங்க வந்த ஒரு தம்பதியினருக்கு கடைக்காரர் நகைகளை காண்பித்துவந்தார். அவரை வேறு நகைகளை எடுக்கும்படி கூறிய பெண், கடைக்காரர் திரும்பும் நேரத்தில் மேஜை மேல் இருந்த நகைகளை எடுத்து மறைத்து வைத்துக்கொண்டார். பின்னர் மீண்டும் திரும்பிம்போது ஒரு வளையலை எடுத்து தனது கையில் அணிந்து கொண்டார். பின்னர் ஒரு குறிப்பிட்ட நகையை மட்டும் வாங்கிவிட்டு அதற்குரிய பணத்தை மட்டும் செலுத்திவிட்டு சென்றுவிட்டனர்.
கடைக்காரர் திரும்பியபோது நகையை அந்த பெண் ஒளித்து வைத்த காட்சி அங்குள்ள சிசிடிவியில் பதிவாகியிருந்தது. இந்த வீடியோ காட்சியை பார்த்து அதிர்ச்சி அடைந்த கடைக்காரர், பின்னர் போலீஸில் புகார் கொடுத்துள்ளனர். போலீஸார் வழக்கு பதிவு செய்து அந்த தம்பதியினரை தேடி வருகின்றனர். இந்த வீடியோ தற்போது இணையத்தில் பிரபலமாகி வருகிறது.
[embedplusvideo height=”400″ width=”600″ editlink=”http://bit.ly/1qvqW7e” standard=”http://www.youtube.com/v/pRktu6xA81g?fs=1″ vars=”ytid=pRktu6xA81g&width=600&height=400&start=&stop=&rs=w&hd=0&autoplay=0&react=1&chapters=¬es=” id=”ep2427″ /]