அஜீத் ரசிகர்கள் மிகவும் ஆவலுடன் எதிர்பார்த்த ‘என்னை அறிந்தால்’ படத்தின் இசை மற்றும் டிரைலர் இன்று வெளியாகவுள்ளது. வழக்கம்போல அஜீத் ரசிகர்கள் டுவிட்டரை குத்தகைக்கு எடுத்து சுமார் ஒருவாரம் தங்கள் கட்டுப்பாட்டில் வைத்திருப்பார்கள் என நம்பப்படுகிறது. ‘
இந்நிலையில் அஜீத் ரசிகர்களுக்கு போனஸாக இன்னும் ஒரு புதிய சந்தோஷமான செய்தியும் கிடைத்துள்ளது. அதுதான் ‘என்னை அறிந்தால்’ படத்திற்கு ஒரே போட்டி என்று நினைத்துக்கொண்டிருந்த ‘ஐ’ படம் பொங்கல் தினத்தில் வெளியாவதில் திடீர் சிக்கல் ஏற்பட்டுள்ளதாக கூறப்படுகிறது.
ஷங்கரின் ‘ஐ’ படத்திற்கு யூஏ’ சர்டிபிகேட்தான் சென்சார் போர்டு கொடுத்துள்ளது. யூ சர்டிபிகேட் கிடைத்தால்தான் தமிழக அரசின் வரிச்சலுகை கிடைக்கும். எனவே ‘ஐ’ படத்தை ரிவைசிங் கமிட்டிக்கு அதன் தயாரிப்பாளர் அனுப்பியுள்ளார்.
இந்நிலையில் ரிவைசிங் கமிட்டியில் ஏற்கனவே பல படங்கள் பெண்டிங்கில் வரிசையாக இருப்பதால், ‘ஐ’ படத்தை எப்பொழுது சென்சார் அதிகாரிகள் பார்ப்பார்கள் என்பதை உறுதியாக கூற முடியவில்லை. இந்த திடீர் திருப்பம் காரணமாக அஜீத் ரசிகர்கள் கொண்டாட்டமும், ஷங்கர் தரப்பில் திண்டாட்டமும் ஏற்பட்டுள்ளதாக கூறப்படுகிறது.
ஒருவேளை ‘ஐ;’ படம் ரிலீசாவதில் தாமதம் ஏற்பட்டால் இதுவரை இல்லாத அளவில் மிக அதிக தியேட்டர்களில் ‘என்னை அறிந்தால்’ ரிலீஸ் ஆகும் என்பதில் எவ்வித சந்தேகமும் இல்லை.
