விஜய்க்கு மீண்டும் ஜோடியாவாரா இலியானா?
‘ராஜா ராணி’ இயக்குனர் அட்லி இயக்கத்தில் இளையதளபதி விஜய்,சமந்தா, எமி ஜாக்சன் மற்றும் பலர் நடித்து வரும் ‘விஜய் 59′ படத்தின் படப்பிடிப்பு சுறுசுறுப்பாக நடந்து வருகிறது. இந்நிலையில் விஜய் 60’ படம் குறித்து சில விபரங்கள் வெளிவந்துள்ளது.
விஜய்யின் அடுத்த படத்தை அஜீத் நடித்த ‘வீரம்’ படத்தை தயாரித்த விஜயா புரொடக்ஷன்ஸ் நிறுவனம் தயாரிக்கவுள்ளதாகவும், இந்த படத்தை இயக்க சமீபத்தில் ‘தனி ஒருவன்’ என்ற வெற்றிப்படத்தை இயக்கிய மோகன் ராஜா இயக்குவார் என்றும் கூறப்படுகிறது. விஜய்யின் அடுத்த படத்தை இயக்கும் இயக்குனர்களின் பட்டியலில் எஸ்.ஜே.சூர்யா மற்றும் மோகன் ராஜா ஆகிய இருவர் கடைசி கட்டமாக இருந்ததாகவும், இவர்களில் மோகன் ராஜாவை விஜய் தேர்வு செய்ததாகவும் கூறப்படுகிறது.
மேலும் இந்த படத்தில் விஜய்க்கு ஜோடியாக நடிக்க இலியானாவிடம் தயாரிப்பு நிறுவனம் பேசி வருவதாகவும் கூறப்படுகிறது. இலியானா ஏற்கனவே விஜய் நடித்த ‘நண்பன்’ படத்தில் நடித்திருந்தார் என்பது குறிப்பிடத்தக்கது. 4 வருடங்கள் கழித்து மீண்டும் விஜய்-இலியானா இணையும் இந்த படம் ‘நண்பன்’ போலவே சூப்பர் ஹிட் ஆகும் என எதிர்பார்க்கப்படுகிறது.
