[carousel ids=”67561,67562,67563,67564,67565,67566,67567″]
சிரியா மற்றும் ஈராக் நாடுகளில் தீவிரவாத செயல்களில் ஈடுபட்டு, இருநாட்டு அரசுகளுக்கும் சிம்ம சொப்பனமாக விளங்கி வரும் ஐ.எஸ்.ஐ.எஸ் தீவிரவாதிகள் அமைப்பு நேற்று அதிர்ச்சி வீடியோ ஒன்றை வெளியிட்டுள்ளது. அந்த வீடியோவில் இரு திருடர்களின் கை மற்றும் கால்களை வெட்டி அவர்களுக்கு தண்டனை கொடுக்கும் காட்சி உள்ளது.
சிரியாவில் கார் மற்றும் பொருட்களை திருடிய இருவர் சமீபத்தில் பிடிபட்டனர். அவர்களுக்கு தண்டனை வழங்க முடிவு செய்த ஐ.எஸ்.ஐ.எஸ் அமைப்பு திருடர்களின் இடது கால் மற்றும் வலது கை ஆகியவற்றின் ஒரு பகுதியை வெட்டும் தண்டனையை அளிக்க முடிவு செய்தனர்.
பின்னர் பொதுமக்களின் முன்னிலையில் இருவருடைய இடது காலின் ஒரு பகுதியும், வலது கையின் ஒரு பகுதியும் வெட்டப்பட்டது. பின்னர் அவர்களுடைய காயத்திற்கு கட்டு போடப்பட்டு அவர்கள் வீட்டுக்கு அனுப்பப்பட்டனர்.
இந்த தண்டனை குறித்த அதிர்ச்சி வீடியோ மற்றும் புகைப்படங்கள் ஐ.எஸ்.ஐ.எஸ் அமைப்பின் இணையதளத்தில் இன்று வெளியாகியுள்ளது. இந்த வீடியோ மற்றும் புகைப்படங்கள் தற்போது சமூக வலைத்தளங்களில் மிக வேகமாக பரவி வருகின்றது.
