பணிபுரியும் நபர்களுக்கான எக்சிகியூடிவ் எம்.பி.ஏ. படிப்பை வழங்குகிறது ஜார்க்கண்ட் மாநிலம் தன்பாத்திலுள்ள புகழ்பெற்ற இந்தியன் ஸ்கூல் ஆப் மைன்ஸ்.
பகுதிநேரமாக வழங்கப்படும் இப்படிப்பில் சேர விரும்புவோர், குறைந்தபட்சம் 50% மதிப்பெண்களுடன், ஏதேனுமொரு இளநிலைப் பட்டப்படிப்பை முடித்திருக்க வேண்டும். SC/ST/PD பிரிவினருக்கு 45% மதிப்பெண் போதுமானது. அதேசமயம், மேற்கண்ட பட்டதாரிகள், பள்ளிப் படிப்பை முறையாக நிறைவு செய்திருக்க வேண்டும்.
3 ஆண்டுகள் காலஅளவைக் கொண்ட இப்படிப்புக்கான வகுப்புகள், சனி மற்றும் ஞாயிற்றுக்கிழமைகளில் நடைபெறும். மொத்தம் 6 செமஸ்டர்கள் உண்டு.
இப்படிப்பிற்கான கட்டணம் ரூ.2 லட்சத்து 86 ஆயிரத்து 949. இந்த தொகையை, 3 ஆண்டு காலத்தில், 3 தவணைகளாக கட்டலாம்.
நுழைவுத்தேர்வு, நேர்முகத் தேர்வு மற்றும் பணி அனுபவம் ஆகியவற்றின் அடிப்படையில் சேர்க்கை நடைபெறும். மொத்த இடங்கள் 50 மட்டுமே. அரசின் இடஒதுக்கீட்டுக் கொள்கை கட்டாயம் பின்பற்றப்படும்.
விண்ணப்பத்தை இளையதளத்திலிருந்து பதிவிறக்கம் செய்யலாம். விண்ணப்பக் கட்டணம் ரூ.2,000.
விண்ணப்பத்தை மார்ச் 23 முதல் பெறலாம்.
விண்ணப்பிக்கும் கடைசித் தேதி – மே 22.
மேலதிக தகவல்களுக்கு http://www.ismdhanbad.ac.in/
