சூப்பர் ஸ்டார் ரஜினிகாந்த்தின் இளையமகள் செளந்தர்யா ரஜினிகாந்த் அவர்களுக்கு நேற்று இரவு சென்னை அப்பல்லோ மருத்துவமனையில் அழகான ஆண் குழந்தை பிறந்துள்ளது. ரஜினியின் ரசிகர்கள் குழந்தைக்கும், செளந்தர்யாவும் டுவிட்டர், ஃபேஸ்புக் மூலம் வாழ்த்து தெரிவித்து வருகின்றனர்.
இந்தியாவின் முதல் மோஷன் கேப்சன் தொழில்நுட்பத்தில் கோச்சடையான் என்ற திரைப்படத்தை இயக்கிய இயக்குனர் செளந்தர்யா ரஜினிகாந்த். இவருக்கும் அஸ்வின் என்ற தொழிலதிபருக்கும் கடந்த 2010ஆம் ஆண்டு செப்டம்பர் 3ஆம் தேதி சென்னையில் திருமணம் நடைபெற்றது.
கடந்த 2014ஆம் ஆண்டு கர்ப்பமானதாக அறிவிக்கப்பட்ட செளந்தர்யாவுக்கு நேற்று இரவு 10 மணிக்கு ஆண் குழந்தை பிறந்ததாக அப்பல்லோ மருத்துவமனை உறுதிப்படுத்தியுள்ளது. ஏற்கனவே ரஜினிகாந்த்தின் மூத்த மகளான ஐஸ்வர்யா தனுஷுக்கு இரண்டு ஆண் குழந்தைகள் உள்ளனர் என்பது குறிப்பிடத்தக்கது.
