பிரசன்னா-சினேகா தம்பதிக்கு ஆண் குழந்தை
பிரபல நடிகை சினேகா நிறைமாத கர்ப்பிணியாக இருந்த நிலையில் விரைவில் அவருக்கு விரைவில் குழந்தை பிறக்கும் என எதிர்பார்க்கப்பட்டது. இந்நிலையில் இன்று அதிகாலை அவருக்கு சென்னையில் உள்ள தனியார் மருத்துவமனையில் ஆண் குழந்தை பிறந்துள்ளதாக தகவல்கள் வெளிவந்துள்ளது. இந்த தகவலை சினேகாவின் கணவரும், பிரபல நடிகருமான பிரசன்னா தன்னுடைய டுவிட்டரில் உறுதிப்படுத்தியுள்ளார்.
நடிகர் பிரசன்னாவும், நடிகை சினேகாவும் கடந்த 2012ஆம் ஆண்டு மே மாதம் 11ஆம் தேதி காதல் திருமணம் செய்துகொண்டார்கள். இவர்களது காதலுக்கு இருவரது பெற்றோர்களும் சம்மதம் தெரிவிக்கவே சென்னையில் பல திரையுலக பிரமுகர்கள் முன்னிலையில் இவர்களது திருமணம் மிகவும் கோலாகலமாக நடந்தது. திருமணத்திற்கு பிறகு சினேகா, சினிமாவில் நடிப்பதை குறைத்துக் கொண்டார். இருப்பினும், ஒரு சில படங்களில் நடித்து வந்தார்.
இந்நிலையில் கடந்த சில மாதங்களுக்கு முன்னர் கர்ப்பமான சினேகா இன்று அழகான ஆண்குழந்தைக்கு தாயாகியுள்ளார். நடிகை சினேகா-பிரசன்னா தம்பதிக்கு டுவிட்டர் மற்றும் ஃபேஸ்புக்கில் வாழ்த்துக்கள் குவிந்து வருகிறது.
