பிறந்த குழந்தையை கொல்ல வேண்டாம்! ‘இவன் தந்திரன்’ இயக்குனரின் கண்ணீர் பேட்டி
இயக்குனர் ஆர்.கண்ணன் தயாரித்து இயக்கிய ‘இவன் தந்திரன்’ திரைப்படம் நேற்று வெளியானது. கவுதம் கார்த்திக், ஆர்ஜே பாலாஜி நடித்த இந்த படத்திற்கு ஊடகங்களில் நல்ல விமர்சனங்கள் வந்துள்ளதால் கண்டிப்பாக இந்த படம் இரண்டு வாரங்கள் ஓடும் என்று எதிர்பார்க்கப்பட்டது.
ஆனால் திடீரென நேற்று தமிழ் திரைப்பட வர்த்தக சபை, திடீரென வரும் திங்கள் முதல் திரையரங்குகள் காலவரையின்றி மூடப்படும் என அறிவித்துள்ளது. இதுகுறித்து ஆடியோ செய்தி ஒன்றில் இயக்குனர் ஆர்.கண்ணன் கூறியதாவது:
அனைவருக்கும் வணக்கம். நான் டைரக்டர் ஆர்.கண்ணன் பேசுறேன். ‘இவன் தந்திரன்’ படத்தின் இயக்குனர். இப்ப படம் ரிலீஸ் ஆகி, சக்சஸ் புல்லா போயிட்டிருக்கு. அதுக்கு உங்கள் அனைவருக்கும் நன்றி. ஒரு இயக்குனரா என் சகோதரர் பிரின்ஸ் உட்பட பலருக்கும் நன்றி. சில விஷயங்களை ஷேர் பண்ணலாம்னு ஆசைப்படறேன். வரும் திங்கட்கிழமை முதல் திடீர்னு ஸ்டிரைக்குன்னு சொல்றாங்க. எந்த முன்னறிவிப்பும் இல்லாம இப்படி திடீர்னு ஸ்டிரைக் அறிவிச்சா, எப்படி? இந்தப் படத்துக்காக வாங்குன கடனை எப்படி அடைக்கிறது? எனக்கு என்ன பண்றதுன்னு தெரியல. விக்ரமன் சார், செல்வமணி சார், சேரன் சார், சமுத்திரக்கனி ஏதாவது பண்ணுங்க. யாருகிட்ட போய் பேசறதுன்னு தெரியல. படம் நல்லாயிருக்குன்னு கொண்டாடுறாங்க. நல்ல விமர்சனங்கள் வருது. இந்த நேரத்துல இப்ப திடீர்னு ஸ்டிரைக் வந்தா என்ன பண்றதுன்னு புரியல. குழந்தை இப்போதுதான் நல்ல முறையில் பிறந்துள்ளது, பிறந்தவுடன் குழந்தையை கொல்லாதீர்கள்’ என்று கண்ணீருடன் கூறியுள்ளார்.
