அடங்காநல்லூர் ஆன அலங்காநல்லூர். விடிய விடிய ஜல்லிக்கட்டு போராட்டம்
தமிழர்களின் பாரம்பரிய விளையாட்டான ஜல்லிக்கட்டுவுக்கு அனுமதி தரக்கோரி அலங்காநல்லூரில் நேற்று காலை ஆரம்பித்த ஆர்ப்பாட்டம் விடிய விடிய நடந்ததால் பெரும் பரபரப்புடன் அந்த பகுதி காணப்படுகிறது.
கடும் குளிரையும் பொருட்படுத்தாது இளைஞர்கள் விடிய விடிய போராட்டம் நடத்தினர். போராட்டத்தில் ஈடுபட்ட இளைஞர்களுக்கு அங்குள்ள பொதுமக்கள் சுக்குகாபி, சாப்பாடு பரிமாறி போராட்டத்திற்கு ஆதரவு கொடுத்தனர்.
இந்த போராட்டத்திற்கு எம்.எல்.ஏ கருணாஸ் நேரில் வந்து ஆதரவு தெரிவித்துள்ளார். மேலும் ஜி.ராமகிருஷ்ணன் (மா.கம்யூ.,), திருமாவளவன் (வி.சி.க.,) முத்தரசன் (இந்தய கம்யூ.,) தமிழிசை சௌந்தர்ராஜன் (பாஜக), சி.ஆர்.சரஸ்வதி (அதிமுக), சீமான் (நாம் தமிழர்) ஆஜுட அரசியல் கட்சி பிரமுகர்களும் இளைஞர்களின் போராட்டத்திற்கு ஆதரவும் பாராட்டும் தெரிவித்துள்ளனர்.
இந்நிலையில் இன்று காலை 6 மணிக்கு போராட்டத்தை கைவிடுமாறு காவல்துறையினர் கேட்டுக்கொண்டதை போராட்டக்காரர்கள் புறக்கணித்ததால் போராட்டக்காரர்கள் அனைவரும் கைது செய்யப்பட்டனர்.
