காலா டீசர் ரிலீஸ் தேதி திடீர் ஒத்திவைப்பு: காரணம் என்ன?
சூப்பர் ஸ்டார் ரஜினிகாந்த் நடித்துள்ள ‘காலா’ படத்தின் டீசர் இன்று காலை 11 மணிக்கு வெளியாகும் என்று ஏற்கனவே அறிவிக்கப்பட்டிருந்த நிலையில் தற்போது இந்த படத்தின் டீசர் இன்று வெளியாகாது என்று அறிவிக்கப்பட்டுள்ளது
இதுகுறித்து தனுஷ் தனது டுவிட்டரில் கூறியிருப்பதாவது: ஜத்குரு பூஜயஸ்ரீ ஜெயேந்திர சரஸ்வதி சங்கராச்சார்யாவின் மறைவுக்கு மரியாதை செலுத்தும் விதமாக ‘காலா’ டீசர் ரிலீஸ் தள்ளிவைக்கப்படுவதாக தெரிவித்துள்ளார். ‘காலா’ டீசரை காண ஆவலுடன் காத்திருக்கும் ரசிகர்களிடம், டீசர் தள்ளிவைப்புக்கு தான் மன்னிப்பு கேட்டுக் கொள்வதாக அவர் பதிவு செய்துள்ளார்
இன்று வெளியாகவிருந்த டீசர், நாளை வெளியாகவுள்ளதால் ரஜினி ரசிகர்கள் ஏமாற்றம் அடைந்துள்ளனர். இருப்பினும் நாளை உறுதியாக டீசர் வெளியாகும் என்ற அறிவிப்பு அவர்களுக்கு நிம்மதியை கொடுத்துள்ளது
