வார இறுதி வசூலில் புதிய சாதனை செய்த ‘கபாலி’
வார இறுதி வசூலில் இதுவரை மிக அதிகமாக வசூல் செய்த படம் என்ற பெருமையை ‘தூம் 3’ படம் பெற்றிருந்தது. இந்த படம் வார இறுதி நாட்களில் உலகம் முழுவதும் $10.32 மில்லியன் வசூல் செய்த நிலையில் இந்த சாதனையை தற்போது சூப்பர் ஸ்டார் ரஜினியின் ‘கபாலி’ முறியடித்துள்ளது. கடந்த வெள்ளியன்று வெளியான இந்த படம் வெள்ளி, சனி, ஞாயிறு ஆகிய மூன்று நாட்களில் $11 மில்லியன் வசூல் செய்து சாதனை செய்துள்ளது.
மேலும் ‘கபாலி’ படம் கடந்த மூன்று நாட்களில் இந்திய அளவில் ரூ.123 கோடியும், தமிழகத்தில் ரூ.45 கோடியும் வசூல் செய்துள்ளதாக தகவல்கள் வெளிவந்துள்ளது. அதுமட்டுமின்றி சென்னையில் அதிகபட்சமாக ரூ.3,82,61,405 வசூல் செய்துள்ளது. இதுவரை எந்த படமும் சென்னையில் மூன்று நாட்களில் இந்த தொகையை வசூல் செய்தது இல்லை
மேலும் ‘கபாலி’ படம் தெலுங்கு மாநிலங்களில் ரூ.28 கோடியும், கர்நாடகாவில் ரூ.17 கோடியும், கேரளாவில் ரூ.10 கோடியும், வட இந்தியாவில் ரூ.23 கோடியும் வசூல் செய்துள்ளது.
அமெரிக்கா மற்றும் கனடாவில் ரூ.27 கோடியும், மலேசியா-சிங்கப்பூரில் ரூ.28 கோடியும், ஐக்கிய அரபு நாடுகளில் ரூ.21 கோடியும், பிரிட்டன் மற்றும் ஐரோப்பிய நாடுகளில் ரூ.11 கோடியும் இந்த படம் வசூல் செய்துள்ளது என்பது குறிப்பிடத்தக்கது.
