ஒரே நாளில் கபாலி-அஜித் 57
சூப்பர் ஸ்டார் ரஜினிகாந்த் நடித்த ‘கபாலி’ திரைப்படம் முதலில் ஜூலை 1ஆம் தேதி ரிலீஸ் ஆகவிருந்தது. ஆனால் இந்த படத்தின் மற்ற மொழி பதிப்புகளின் பணிகள் முடிவடையாததால் ஜூலை 15-ல் இந்த படம் வெளியாகவுள்ளது. இதுகுறித்த அறிவிப்பு விரைவில் வெளிவரும்.
இந்நிலையில் அஜித் நடிக்கவுள்ள அடுத்த படம் ‘தல 57’ படத்தின் படப்பிடிப்பும் அதே ஜூலை 15-ல் தொடங்க அதிக வாய்ப்பு இருப்பதாக கூறப்படுகிறது. ஜூலை 16ஆம் தேதி ஆடி மாதம் பிறக்கவிருப்பதாக் ஆடிக்கு முன்பே அஜித் படத்தின் பூஜை மற்றும் படப்பிடிப்பை தொடங்கிவிட வேண்டும் என்பதில் தயாரிப்பு நிறுவனமான ‘சத்யஜோதி பிலிம்ஸ்’ உறுதியாக இருப்பதாகவும் கூறப்படுகிறது.
இந்நிலையில் இந்த படத்திற்கான வெளிநாட்டு லொகேஷன் பார்க்கும் பணிக்காக இயக்குனர் சிவா அடுத்த வாரம் வெளிநாடு செல்லவுள்ளார். மேலும் இன்னும் ஒருசில நாட்களில் இந்த படத்தின் நாயகி மற்றும் வில்லன் தேர்வு இறுதி செய்யப்படும் என்றும் படக்குழுவினர் தெரிவித்துள்ளனர்.
