ரஜினியின் ‘கபாலி’யால் பின்னுக்கு சென்ற சிவகார்த்திகேயனின் ‘ரெமோ’
பா.ரஞ்சித் இயக்கத்தில், தாணு தயாரிப்பில் சூப்பர் ஸ்டார் ரஜினிகாந்த் நடித்து முடித்துள்ள ‘கபாலி’ படத்தின் ஆடியோ ரிலீஸ் விழா வரும் ஜூன் 9 அல்லது 10ஆம் தேதி நடைபெறவுள்ளதாக கூறப்படுகிறது. அனேகமாக ஜூன் 9-ல் நடைபெற அதிக வாய்ப்பு இருப்பதாக செய்திகள் கூறுகின்றன.
இந்நிலையில் சிவகார்த்திகேயன் நடித்து வரும் ‘ரெமோ’ படத்தின் ஃபர்ஸ்ட்லுக்கும் அதே தேதியில் வெளியிட படக்குழுவினர் திட்டமிட்டிருந்தனர். ஆனால் ரஜினியின் ‘கபாலி’ ஆடியோ விழா ஜூன் 9 என்பது உறுதி செய்யப்பட்டால் ‘ரெமோ’ படத்தின் பர்ஸ்ட்லுக் தேதியை தள்ளி வைக்க சிவகார்த்திகேயன் உள்பட படக்குழுவினர் முடிவு செய்துள்ளதாக கூறப்படுகிறது.
ரஜினியின் ‘கபாலி’ படத்தின் டீசர் உலகையே இணையதளத்தின் பக்கம் திரும்ப வைத்த நிலையில் ‘கபாலி’யின் பாடல் ரிலீஸ் ஆகும் தேதியில் ‘ரெமோ’ ஃபர்ஸ்ட்லுக் வெளியானால் பொருத்தமாக இருக்காது என்று படக்குழுவினர் முடிவு செய்துள்ளதாக கூறப்படுகிறது.
