ஜூன் 12-ல் ‘கபாலி’ ஆடியோ ரிலீஸ் விழா
சூப்பர் ஸ்டார் ரஜினிகாந்த் நடித்த பெரும் எதிர்பார்ப்பை ஏற்படுத்தியுள்ள ‘கபாலி’ திரைப்படத்தின் ஆடியோ ரிலீஸ் ஜூன் 9 அல்லது 11ஆம் தேதி வெளியாகும் என கூறப்பட்டு வந்த நிலையில் தற்போது ஜூன் 12ஆம் தேதி ஆடியோ ரிலீஸ் விழா சென்னையில் நடைபெறும் என்று அதிகாரபூர்வமாக அறிவிக்கப்பட்டுள்ளது.
இந்த தகவலை ‘கபாலி’ படத்தின் தயாரிப்பாளர் கலைப்புலி எஸ். தாணு தனது டுவிட்டரில் உறுதி செய்துள்ளார். தாணு தனது டுவிட்டரில், “”Happy to announce that #Kabali Audio Launch will happen on June 12!’ என்று பதிவு செய்துள்ளார்.
தற்போது அமெரிக்காவில் ஓய்வு எடுத்து கொண்டிருக்கும் ரஜினிகாந்த் அடுத்த வாரத்தில் சென்னை திரும்பிவிடுவார் என்றும் ஆடியோ ரிலீஸ் விழாவில் அவர் கலந்து கொள்வார் என்றும் படக்குழுவினர் தெரிவித்துள்ளனர்.
இந்த படத்திற்காக சந்தோஷ் நாராயணன் ஐந்து பாடல்களை இசையமைத்துள்ளதாகவும் ஐந்து பாடல்களும் சூப்பர் ஹிட் ஆகும் அளவிற்கு பிரம்மாதமாக வந்துள்ளதாகவும் திங்க் மியூசிக் நிறுவனம் மிகப்பெரிய தொகை கொடுத்து பெற்றுள்ளது என்பது குறிப்பிடத்தக்கது.
