‘கபாலி’யில் 6 பாடல்களா? 5 பாடல்களா?
சூப்பர் ஸ்டார் ரஜினிகாந்த் நடித்துள்ள ‘கபாலி’ படத்தின் இசை வெளியீடு வரும் 9ஆம் தேதி என்பது உறுதி செய்யப்பட்டுள்ள நிலையில் இந்த படத்தில் ஐந்து பாடல்களா? அல்லது ஆறு பாடல்களா? என்பது குறித்து இணையதளங்களில் இருவேறு செய்திகள் உலாவி வருகின்றன.
இந்நிலையில் இதுகுறித்து படக்குழுவினர் விளக்கம் அளித்துள்ளனர். இந்த படத்திற்காக இசையமைப்பாளர் சந்தோஷ் நாராயணன் 6 பாடல்களை கம்போஸ் செய்துள்ளதாகவும், இந்த படத்தின் ஆல்பத்திலும் ஆறு பாடல்கள் இடம்பெற்றுள்ளதாகவும், ஆனால் இயக்குனர் ரஞ்சித் ஐந்து பாடல்களை மட்டுமே இந்த படத்தில் பயன்படுத்தியுள்ளார் என்று கூறியுள்ளனர்.
ரஜினிகாந்த், ராதிகா ஆப்தே, தன்ஷிகா, கலையரசன், தினேஷ், உள்ளிட்ட பலர் நடித்துள்ள இந்த படத்தை பா.ரஞ்சித் இயக்கியுள்ளார். சந்தோஷ் நாராயணன் இசையமைத்துள்ள இந்த படத்தை கலைப்புலி எஸ்.தாணு பிரமாண்டமாக தயாரித்துள்ளார்.
