‘கபாலி’யின் ஏர்லைன் பார்ட்னர் ஆனது ஏர் ஆசியா நிறுவனம்
இந்திய விமான நிறுவனங்களில் முன்னணியில் இருக்கும் நிறுவனமான ‘ஏர் ஆசியா’ நிறுவனம் சூப்பர் ஸ்டார் ரஜினியின் ‘கபாலி’ படத்தின் ஏர்லைன் பார்ட்னராக இணைந்துள்ளது.
ரஜினிகாந்த் நடித்த ‘கபாலி’ படத்தின் இசை வரும் 12ஆம் தேதியும் படம் வரும் ஜூலை 15ஆம் தேதியும் வெளிவரவுள்ள நிலையில் இந்த படத்தின் புரமோஷன் பணிகள் விறுவிறுப்பாக தற்போது நடைபெற்று வருகிறது.
இந்நிலையில் இந்த படத்தின் ஏர்லைன் பார்ட்னராக ஏர் ஆசியா நிறுவனம் இணைந்துள்ளதாக அந்நிறுவனம் அறிவித்துள்ளது. இதுகுறித்த புதிய ஸ்டில் ஒன்றையும் அந்நிறுவனம் டுவிட்டரில் வெளியிட்டுள்ளது.
ரஜினிகாந்த், ராதிகா ஆப்தே, தன்ஷிகா, கலையரசன், தினேஷ், ஜான்விஜய் உள்ளிட்ட பலர் நடித்துள்ள இந்த படத்தை ‘அட்டக்கத்தி’ பா.ரஞ்சித் இயக்கியுள்ளார். கலைப்புலி எஸ்.தாணு தயாரித்துள்ள இந்த படத்திற்கு சந்தோஷ் நாராயணன் இசையமைத்துள்ளார்.
