அஜித்துகாக விக்ரமை கைவிட்ட காஜல் அகர்வால்
தல அஜித் நடிக்கவுள ‘தல 57’ படத்தின் படப்பிடிப்பு நாளை பல்கேரியாவில் தொடங்கவுள்ளது. அஜித் உள்பட படக்குழுவினர் அனைவரும் இந்த படத்தின் படப்பிடிப்புக்காக பல்கேரியா சென்றுவிட்ட நிலையில் நேற்று காஜல் அகர்வாலும் பல்கேரியாவுக்கு கிளம்பி சென்றார்.
இந்நிலையில் ‘அஜித் 57’ படத்தில் காஜல் அகர்வால் அஜித்தின் மனைவியாக குடும்பப்பாங்கான கேர்கடரில் நடிக்கவுள்ளதாகவும் இதுவரை காஜல் அகர்வால் இதுபோன்ற அமைதியான கேரக்டரில் நடித்ததில்லை என்பதால் இந்த படத்தில் அவரை வித்தியாசமான கேரக்டரில் பார்க்கலாம் என படக்குழுவினர் தெரிவித்துள்ளனர்.
மேலும் இந்த படத்தில் மட்டுமின்றி சிரஞ்சீவியின் 150வது படமான ‘கத்தி’ ரீமேக்கில் காஜல் அகர்வால் நடிக்க ஒப்பந்தமாகியுள்ளார். அஜித், சிரஞ்சீவி என இரண்டு பெரிய பட்ஜெட் படங்களில் நடிப்பதால் விக்ரமுடன் அவர் நடிக்கவிருந்த ‘கருடா’ படத்தில் இருந்து விலகிவிட்டதாக கூறப்படுகிறது.
மேலும் காஜல் அகர்வால், ஜீவாவுடன் நடித்த ‘கவலை வேண்டாம்’ படத்தின் படப்பிடிப்பு முடிவடைந்துவிட்டது. இந்த படம் வரும் தீபாவளி திருநாளில் வெளியாகும் என எதிர்பார்க்கப்படுகிறது.
