விஜய்யுடன் 3வது முறையாக இணையும் ஏ.ஆர்.ரஹ்மான் – காஜல் அகர்வால்
இளையதளபதி விஜய் தற்போது ‘பைரவா’ படத்தின் படப்பிடிப்பில் இருக்கும் நிலையில் அவருடைய அடுத்த படமான 61வது படத்தின் ஆரம்பகட்ட பணிகளை இயக்குனர் அட்லி தொடங்கிவிட்டதாக தெரிகிறது
இந்த படத்தை பிரமாண்டமாக ஸ்ரீதேனாண்டாள் பிலிம்ஸ் தயாரிக்க திட்டமிட்டுள்ள நிலையில் இந்த படத்தில் விஜய்க்கு ஜோடியாக நடிக்க காஜல் அகர்வாலிடம் அட்லி பேச்சுவார்த்தை நடத்தி வருவதாகவும், கிட்டத்தட்ட இந்த பேச்சுவார்த்தை முடிந்துவிட்டதாகவும் கூறப்படுகிறது. ஏற்கனவே விஜய்யுடன் காஜல் அகர்வால் ‘துப்பாக்கி’ மற்றும் ஜில்லா’ என 2 சூப்பர் ஹிட் படங்களில் காஜல் நடித்துள்ள நிலையில் 3வது முறையாக அவர் ஜோடி சேரவுள்ளார். அதேபோல் ஒரே நேரத்தில் அஜித்துடன் ‘அஜித் 57′ படத்திலும் விஜய்யுடன் விஜய் 61’ படத்திலும் காஜல் அகர்வால் நடிக்கவுள்ளார் என்பது குறிப்பிடத்தக்கது.
மேலும் இந்த படத்தின் இசையமைப்பாளராக ஏ.ஆர்.ரஹ்மான் ஒப்பந்தம் செய்யப்பட வாய்ப்பு இருப்பதாக கூறப்படுகிறது. காஜல் அகர்வாலை போலவே இவரும்
‘உதயா’, அழகிய தமிழ்மகன்’ படங்களுக்கு பின் மூன்றாவது முறையாக விஜய் படத்திற்கு இசையமைக்கவுள்ளார் என்பது குறிப்பிடத்தகக்து.
