‘சாட்டை 2’ படத்தின் முக்கிய வேடத்தில் காக்கா முட்டை சிறுவன்
கடந்த 2012ஆம் ஆண்டு வெளிவந்த ‘சாட்டை’ திரைப்படம் அனைவரின் பாராட்டுக்களை பெற்றதோடு வசூலிலும் சக்கைபோடு போட்டது. இந்நிலையில் இந்த படத்தின் இரண்டாம் பாகத்தை உருவாக்க இயக்குனர் சமுத்திரக்கனி முடிவு செய்துள்ளதாக தகவல்கள் வெளிவந்துள்ளது.
சாட்டை 2′ படத்தை சமுத்திரக்கனியே தயாரித்து இயக்குவதோடு ஒரு முக்கிய கேரக்டரிலும் நடிக்கவுள்ளார். அவருடன் முதல் பாகத்தில் பட்டையை கிளப்பிய தம்பிராமையாவும் முக்கிய கேரக்டரில் நடிக்கவுள்ளார். மேலும் இந்த படத்தில் காக்கா முட்டை’ படத்தில் நடித்த சிறுவனும் ஒரு முக்கிய கேரக்டரில் நடிக்கவுள்ளதாக கூறப்படுகிறது.
இந்த படத்தின் படப்பிடிப்பு தற்போது நடந்து வருவதாகவும், இவ்வருட இறுதிக்குள் இந்த படத்தின் படப்பிடிப்பு முடிந்துவிடும் என்றும் கூறப்படுகிறது. இந்த படமும் ஆசிரியர்-மாணவர் இடையேயான உறவு குறித்து அலசப்படும் என சமுத்திரக்கனி கூறியுள்ளார்.
