மும்பைக்கு செல்கிறது தனுஷின் ‘காக்கா முட்டை’
தனுஷ் தயாரிப்பில் உருவான ‘காக்கா முட்டை’ திரைப்படம் தேசிய விருது பெற்றது மட்டுமின்றி சர்வதேச அளவில் பல விருதுகளை வாங்கி குவித்தது. அதுமட்டுமின்றி ஆஸ்கார் விருதுக்கும் பரிந்துரை செய்யப்பட்டது. மேலும் விருதுகளை குவித்ததுபோலவே, வசூலிலும் இந்த படம் சக்கைபோடு போட்டது.
இந்நிலையில் இந்த படம் தற்போது மராத்தி மொழியில் ரீமேக் செய்யப்படவுள்ளதாக தகவல்கள் வெளிவந்துள்ளது. இந்த படத்தை சமீபத்தில் பார்த்த பிரபல பாலிவுட் இயக்குனர் Samit Kakkad இந்த படத்தை ரீமேக் செய்ய முடிவு செய்துள்ளதாகவும், சென்னையின் பின்னணியில் அமைந்த இந்த படத்தை மும்பை பின்னணிக்கு மாற்றவுள்ளதாகவும், அதேபோல் பாலிவுட்டுக்கு ஏற்ப திரைக்கதையில் சில மாற்றங்களையும் செய்ய உள்ளதாகவும் கூறியுள்ளார்.
இந்த படத்தை நானுபாய் ஜெய்சிங்கானி என்பவர் தயாரிக்கின்றார். இந்த படம் குறித்த அதிகாரபூர்வ அறிவிப்பு விரைவில் வெளிவரவுள்ளது.
தமிழில் மாபெரும் வெற்றி பெற்ற இந்த படம் மராத்தி மொழியிலும் வெற்றி பெறுமா? என்பதை பொறுத்திருந்து பார்ப்போம்.
