அஜீத்தின் என்னை அறிந்தால் படத்தின் டீசருக்கு கிடைத்த மாபெரும் வரவேற்பை பார்த்து அதிர்ச்சியடைந்துள்ள பிரமாண்ட இயக்குனர் ஷங்கரே தன்னுடைய ‘ஐ’ படத்தின் ரிலீஸ் தேதியை அதிகாரபூர்வமாக இன்னும் அறிவிக்காத நிலையில் அஜீத்துடன் மோத திடீரென தயாராகிவிட்டார் சிவகார்த்திகேயன்.
இதுவரை பொங்கல் ரேஸ் ரிலீஸ் படங்களின் போட்டியில் இடம்பெறாமல் இருந்த சிவகார்த்திகேயனின் ‘காக்கி சட்டை’ திடீரென் இன்று ரிலீஸ் தேதியை அறிவித்துள்ளது. நாளை மறுநாள் ரஜினியின் பிறந்த நாளில் காக்கி சட்டை படத்தின் பாடல் வெளீயீட்டு விழா நடைபெறும் என்று போஸ்டரில் தெரிவித்துள்ளது. அதே போஸ்டரில் கடைசியாக பொங்கல் ரிலீஸ் என்றும் அறிவிக்கப்பட்டுள்ளது.
என்னை அறிந்தால், ஐ. ஆம்பள ஆகிய படங்களுக்கே தியேட்டர் தட்டுப்பாடு இருக்கும் நிலையில் ‘தனுஷ் எந்த தைரியத்தில் ‘காக்கி சட்டை’ படத்தை வெளியிடுகிறார் என்று கோலிவுட் ஆச்சரியத்தில் மூழ்கியுள்ளது.
சிவகார்த்திகேயன், ஸ்ரீதிவ்யா முக்கிய கேரக்டர்களில் நடித்துள்ள ‘காக்கி சட்டை’ படத்திற்கு அனிருத் இசையமைத்துள்ளார். எதிர்நீச்சல் படத்தை இயக்கிய துரை செந்தில்குமார் இயக்கியுள்ளார்.
