இந்தியா-தென் ஆப்பிரிக்கா அணிகளுக்கிடையிலான 2-வது டெஸ்ட் கிரிக்கெட் போட்டி டர்பனில் நாளை தொடங்குகிறது. இப்போட்டியுடன் சர்வதேச டெஸ்ட் போட்டியில் இருந்து ஓய்வு பெற தென் ஆப்பிரிக்கா அணியின் முன்னணி வீரரும், சிறந்த ஆல்ரவுண்டர்களில் ஒருவருமான காலிஸ் முடிவு செய்துள்ளார்.
தென் ஆப்பிரிக்க அணிக்காக விளையாடுவதை கவுரவமாக கருதுவதாக கூறியுள்ள காலிஸ், டெஸ்ட் போட்டியில் இருந்து ஓய்வு பெறுவதற்கு இதுவே சரியான தருணம் என்று குறிப்பிட்டுள்ளார்.
காலிசின் ஓய்வு முடிவு உலகம் முழுவதும் உள்ள அவரது ரசிகர்களை கவலையில் ஆழ்த்தியுள்ளது. ஆனால், கிரிக்கெட்டில் இருந்து விடைபெறவில்லை என்று காலிஸ் அவர்களுக்கு உறுதி அளித்துள்ளார். உடற்தகுதி மற்றும் ஆட்டத்திறன் சிறப்பாக இருந்தால் 2015ம் ஆண்டு உலகக்கோப்பை தொடரில் தென் ஆப்பிரிக்காவிற்காக விளையாட ஆர்வமாக உள்ளதாகவும் தெரிவித்துள்ளார்.
