சிவகார்த்திகேயனுக்கு கமல் ரசிகர்கள் தர்ம அடி கொடுத்தது ஏன்? பரபரப்பு தகவல்
திருச்செந்தூரில் நடைபெறும் சி.பா.ஆதித்தனால் விழா ஒன்றில் கலந்து கொள்வதற்காக உலக நாயகன் கமல்ஹாசன் இன்று மதுரை வந்துள்ளார். அதே விமானத்தில் மதுரையில் நடைபெறவுள்ள விழா ஒன்றில் கலந்து கொள்ள நடிகர் சிவகார்த்திகேயனும் வந்துள்ளார்.
கமல் வருவது ஏற்கனவே தெரிந்ததால் மதுரை விமான நிலையத்தில் கமல்ஹாசனை வரவேற்க கமல் ரசிகர்கள் குவிந்திருந்தனர். கமல் சென்ற பின்னர் சிவகார்த்திகேயன் விமான நிலையத்தில் இருந்து வெளியே வந்துள்ளார்.
அப்போது அவரை சூழ்ந்த கமல் ரசிகர்கள் ‘ரஜினியின் பெயரில் உள்ள டைட்டிலில் (ரஜினிமுருகன்) படம் நடிக்கின்றாயே என்று கூறி முதலில் தள்ளுமுள்ளு செய்த கமல் ரசிகர்கள், பின்னர் சரமாரியாக சிவகார்த்திகேயனை தாக்க தொடங்கினர். இதனால் அதிர்ச்சி அடைந்த சிவகார்த்திகேயன் தன்னுடைய காரை நோக்கி ஓடத்தொடங்கினார். ஆனாலும் விடாமல் சிவகார்த்திகேயனை கமல் ரசிகர்கள் விரட்டி விரட்டி அடித்ததால் அந்த பகுதியில் பெரும் பரபரப்பு ஏற்பட்டது.
கமல் நடித்த ‘காக்கி சட்டை’ படத்தின் டைட்டிலிலும் சிவகார்த்திகேயன் நடித்துள்ளார். இந்த அடி சம்பவத்திற்கு வேறு ஏதேனும் உள்நோக்கம் காரணமாக இருக்கலாம் என கூறப்படுகிறது.
