சேரி பிஹேவியர்: கமலுக்கு திருமாவளவன், கிருஷ்ணசாமி கண்டனம்
கமல்ஹாசன் நடத்தி வரும் பிக்பாஸ் நிகழ்ச்சியின் கலந்து கொண்டவர்களில் ஒருவரான காயத்ரி ரகுராம் கடந்த இரண்டு நாட்களுக்கு முன்னர் ஓவியா குறித்து கூறியபோது, ‘சேரி பிஹேவியர்’ என்ற வார்த்தையை பயன்படுத்தினார். இதற்கு கடும் எதிர்ப்பு கிளம்பியுள்ள நிலையில் இதற்கு தான் பொறுப்பில்லை என்றும் தான் இதற்கு திரைக்கதை வசனம் எழுதவில்லை என்றும் கமல் கூறினார்
இந்த நிலையில் காயத்ரி இந்த வார்த்தையை பயன்படுத்தியதற்காக கமல் மன்னிப்பு கேட்க வேண்டும் என்றும் இல்லையேல் அவருக்கு எதிராக போராட்டம் நடத்தப்படும் என்றும் புதிய தமிழகம் கட்சியின் கிருஷ்ணசாமி தெரிவித்துள்ளார்.
அதேபோல் விடுதலைச்சிறுத்தைகள் கட்சியின் தலைவர் திருமாவளவன் கூறியபோது, ‘ கமல் மற்றும் பிக்பாஸ் நிகழ்ச்சியில் உள்ளவர்கள் சேரியில் வாழ்ந்து பார்க்க வேண்டும் என்று கருத்து வெளியிட்டுள்ளார்.
