மீண்டும் இணைந்த கமல்ஹாசன் – இளையராஜா கூட்டணி
உலக நாயகன் கமல்ஹாசன் படங்களுக்கு தொடர்ந்து இசைஞானி இசையமைத்த நிலையில் கடந்த சில ஆண்டுகளாக இருவரும் இணைந்து பணியாற்றவில்லை. கமல்ஹாசனின் ஆஸ்தான இசையமைப்பாளராக கிட்டத்தட்ட ஜிப்ரான் மாறிவிட்ட நிலையில் தற்போது மீண்டும் ஒரு படத்தில் கமல்ஹாசன் – இளையராஜா கூட்டணி இணைந்துள்ளது.
கார்த்திக், கவுதம் கார்த்திக் நடித்து வரும் முத்துராமலிங்கம்’ என்ற படத்திற்காக இளையராஜா இசையில் பஞ்சு அருணாசலம் எழுதிய பாடல் ஒன்றை கமல்ஹாசன் பாடியுள்ளார். இந்த பாடல் படத்தில் கவுதம் கார்த்திக்கின் அறிமுகபாடலாக வருகிறது.
இந்த பாடலை எஸ்.பி.பியை பாடவைக்கலாம் என இயக்குனர் ராஜதுரை தெரிவித்ததாகவும், ஆனால் இந்த பாடலை கமல் பாடினால்தான் நன்றாக இருக்கும் என இளையராஜா கூறியதாகவும், இதனையடுத்து கமல் இந்த பாடலை பாடியுள்ளதாக கூறப்படுகிறது.
