இன்றைய பிக்பாஸ் நிகழ்ச்சியில் அனிதா குறித்து கமல்
பிக்பாஸ் நிகழ்ச்சியை தொகுத்து வழங்கி வரும் கமல், ஒவ்வொரு வாரமும் சனி மற்றும் ஞாயிறு அன்று நிகழ்ச்சியை சுவாரஸ்யமாகவும், பரபரப்பாகவும் மாற்றுவது வழக்கம்
இந்த நிலையில் நேற்று நீட் தேர்வு காரணமாக மருத்துவ கனவை தொலைத்த அனிதா, உயிரையும் மாய்த்து கொண்டார். இது கமல்ஹாசனை ரொம்பவே பாதித்துள்ளது. நேற்றே பேட்டி ஒன்றில் மத்திய மாநில அரசை கடுமையாக விமர்சித்த கமல் இன்று பிக்பாஸ் நிகழ்ச்சியிலும் இதுகுறித்து விரிவாக பேசவுள்ளார்.
இன்றைய நிகழ்ச்சியின் புரமோ வீடியோவில் ,”எதிர்காலத்தை தொலைத்துவிட்டு, இறந்த காலமாகிவிட்டது ஒரு இளந்தளிர். நான் இந்த மன்றத்தில் பார்க்க போவதை சொல்லவில்ல, மக்கள் மன்றம் பார்க்க மறந்ததை சொல்கின்றேன். இன்றும் சொல்வேன் என்றும் சொல்வேன்’ என்று கூறியுள்ளதில் இருந்தே இது உறுதி செய்யப்பட்டுள்ளது.
