உலக நாயகன் கமல்ஹாசனின் ‘உத்தம வில்லன்’ திரைப்படம் இன்று உலகம் முழுவதும் பிரமாண்டமாக ரிலீஸ் ஆகிறது. ஆனால் இந்த படம் நேற்றே துபாயில் பிரிமியர் ஷோ வெளியானது. நேற்று இந்த படத்தை பார்த்த பலர் கமலுக்கு பாராட்டு தெரிவித்ததோடு இந்த படம் நிச்சயம் பாக்ஸ் ஆபீஸில் சூப்பர் ஹிட் ஆகும் என அடித்து கூறுகின்றனர்.
ஆனால் இந்த படத்தை பார்த்த ஒருசிலர் படத்தின் நீளம் அதிகமாக இருப்பதாகவும், குறைந்தது 15 நிமிடங்கள் படத்தின் நீளத்தை குறைக்க வேண்டும் என்றும் கமலிடம் நேரில் ஆலோசனை கூறியுள்ளனர்.
ஆக்கபூர்வமான விமர்சனங்களை ஏற்றுக் கொள்ளும் மனப்பக்குவம் உள்ள கமல்ஹாசன் உடனடியாக இயக்குனர் ரமேஷ் அரவிந்த் உடன் ஆலோசனை செய்து இன்று வெளியாகவுள்ள அனைத்து திரையரங்குகளிலும் படத்தின் நீளத்தை 15 நிமிடங்கள் குறைக்குமாறு தகவல் அனுப்பியுள்ளதாக கூறப்படுகிறது.
முதல் காட்சியில் இருந்தே 15 நிமிடங்கள் குறைக்கப்படும் என்று கூறப்படுவதால் ரசிகர்கள் ஒருசில காட்சிகளை பார்க்க முடியாத நிலை ஏற்பட்டுள்ளது. இருப்பினும் குறைக்கப்பட்ட இந்த காட்சிகள் சில நாட்கள் கழித்து இணைக்கப்படும் என படக்குழுவினர் தெரிவித்துள்ளனர்.
