கண்டாச்சிபுரம்: கண்டாச்சிபுரம் கண்கொடுத்த விநாயகர் கோவிலில் திருநாவுக்கரசர்(அப்பர்) சுவாமிகள் குரு பூஜை விழா நடந்தது. கண்டாச்சிபுரம் கண்கொடுத்த விநாயகர் மற்றும் ராமநாதீஸ்வரர் ஆகிய கோவில்களில், சித்திரை மாத சதய நட்டத்திரத்தையொட்டி திருநாவுக்கரசர் (அப்பர்)சுவாமி குரு பூஜை விழா நடந்தது. முன்னதாக மூலவர் ராதநாதீஷ்வரர் மற்றும் விநாயகர் சுவாமிகளுக்கு சிறப்பு அபிஷேக ஆராதனைகள் நடந்தது. கண்கொடுத்த விநாயகர் கோவிலில் நடந்த பூஜையில் தர்மகர்த்தா நாராயணசாமி, உபயதாரர் தண்டபாணி, அர்ச்சகர் சிவநேசன் உட்பட ஏராளமான பக்தர்கள் கலந்து கொண்டனர். ராமநாதீஸ்வரர் கோவிலில் நடந்த குருபூஜையில் சிவாச்சாரியார் பாலகிருஷ்ணன், தர்மகர்த்தா ரவிச்சந்திரன் ஆகியோர் கலந்து கொண்டனர். பின்னர் திருநாவுக்கரசர் சுவாமிகள் கோவிலின் உட்பிரகாரத்தில் வலம் வந்தார். இதில் ஏராளமான பக்தர்கள் கலந்து கொண்டு வழிபட்டனர்.
