ஒரு கல் ஒரு கண்ணாடி, இது கதிர்வேலன் காதல் படங்களை அடுத்து உதயநிதி நடித்த ‘நண்பேண்டா’ திரைப்படம் விரைவில் வெளிவர இருக்கும் நிலையில், அவர் ‘இதயம் முரளி’ மற்றும் திருக்குமரன் இயக்கத்தில் பெயர் வைக்கப்படாத திரைப்படம் ஆகியவற்றில் நடித்து வருகிறார்.
இந்நிலையில் சமீபத்தில் ரிலீஸாகி வெற்றிகரமாக ஓடிக்கொண்டிருக்கும் ‘கப்பல்’ பட இயக்குனர் கார்த்திக் கிரீஷ், உதயநிதியை சந்தித்து ஒரு கதையை கூறியுள்ளதாகவும், அவர் கூறிய கதை உதயநிதியை வெகுவாக கவர்ந்ததாகவும் கூறப்படுகிறது.
கார்த்திக்கின் இயக்கத்தில் உருவாகவுள்ள படத்தில் உதயநிதி நடிப்பாரா? அல்லது தயாரிக்க மட்டும் செய்வாரா? என்பது குறித்த தகவல்கள் மிக விரைவில் அறிவிக்கப்படும் என கூறப்படுகிறது.
இந்நிலையில் பிரபுசாலமன் இயக்கவிருக்கும் அடுத்த படத்தை உதயநிதி தயாரிக்கவுள்ளதாகவும் கூறப்படுகிறது.
