மீண்டும் ‘சிறுத்தை’ ஸ்டைலில் களமிறங்கும் கார்த்தி
பிரபல நடிகர் கார்த்திக்கு வரிசையாக தோல்வி படங்கள் வந்த நிலையில் அவரை கைதூக்கிவிட்ட படம் சிவாவின் ‘சிறுத்தை’. போலீஸ் அதிகாரியாக கார்த்தி அந்த படத்தில் கம்பீரமாக நடித்திருந்த நிலையில் மீண்டும் போலீஸ் வேடத்தில் ஒரு படத்தில் நடிக்கவுள்ளார்.
சதுரங்க வேட்டை இயக்குனர் வினோத் இயக்கத்தில் ஒரு படத்தில் கார்த்தி போலீஸ் வேடத்தில் நடிக்கவுள்ளதாகவும், இந்த படத்திற்கு தீரன் அதிகாரம் ஒன்று’ என்ற டைட்டில் உறுதி செய்யப்பட்டிருப்பதாகவும் தகவல்கள் வெளிவந்துள்ளது
டிரீம் வாரியர் பிக்சர்ஸ் தயாரிக்கும் இந்த படத்திற்கு சத்யா ஒளிப்பதிவு செய்யவுள்ளார். கார்த்தி தற்போது மணிரத்னம் இயக்கும் ‘காற்று வெளியிடை’ படத்தில் நடித்து வருகிறார். இந்த படத்தின் படப்பிடிப்பு முடிந்தபின்னர் அவர் ‘தீரன் அதிகாரம் ஒன்று’ படத்தின் படப்பிடிப்பில் கலந்து கொள்வார் என்றும் கூறப்படுகிறது.
